Daşkəsən RPŞ-nin əməkdaşları da rayon ərazisində karantin rejimi ilə bağlı mütəmadi tədbirlər həyata keçirir. Keçirilən sonuncu belə tədbir zamanı rayon sakinləri Pakizə Məmmədova və Azər Abdullayev koronavirus testlərinin nəticələrinin pozitiv çıxmasını bilə-bilə, özünütəcrid tədbirlərinə uyğun davranmalı, digər şəxslərlə az təmasda olmalı, insanların sıx toplaşdığı yerlərə getməməli olduqları halda yaşadığı evi tərk etdikləri aşkarlanıb. Müəyyən edilmiş tibbi prosedurlar gözlənilməklə onlar evə göndərilib, barələrində RPŞ-də araşdırmalar davam etdirilir.