Koronavirusa yoluxub sağalmış şəxsin bədənində anticisimlər yaranıbsa, o, ikinci dəfə xəstəliyə yoluxmaya da bilər.

Aztibb.az-ın məlumatına görə, bunu Elmi Tədqiqat Tibbi Profilaktika İnstitutunun direktoru Adil Allahverdiyev deyib.

Onun sözlərinə görə, koronavirus keçirən şəxsin orqanizmində heç bir immunoqlobin G yaranmaya da bilər: "Bu, o deməkdir ki, belə şəxs xəstələnə də, hətta xəstəliyi ağır keçirə də bilər. Bir sıra ölkələrdə koronavirusu keçirən şəxslər vaksinasiyanın ilk mərhələsində vaksinasiya edilmir. Onlar daha sonrakı mərhələlərdə vaksinasiya edilə bilərlər. Buna görə də, koronavirus keçirən şəxs ilk mərhələdə vaksinasiya olunmaya bilər".