Niderlandda yeni növ koronavirus infeksiyasına görə gələn ilin 19 yanvar tarixinə qədər beş həftəlik lokdaun elan edilib.

Bunu ölkənin Baş naziri Mark Rütte bəyan edib.

O, bildirib ki, Niderland əhalisi təcrid olunmağa məcburdur: “Koronavirus infeksiyası ilə bağlı qadağalar 15 dekabrdan qüvvəyə minəcək. Mağazalar (ərzaq mağazaları istisna olmaqla), məktəblər və universitetlər bağlanacaq. Əhalini evdən lazımsız yerə çıxmamağa və qonaq qəbul etməkdən imtina etməyə çağırırıq”.

Qeyd edək ki, Niderlandda 632 024 nəfərə koronavirusa yoluxub. Müalicə alan 10 168 pasiyent vəfat edib.