İmmunitet sistemi zəif olan insanlar koronavirusa yoluxduqları təqdirdə uzun müddət yoluxucu qalırlar. Məsələn, xərçəng xəstəliyi olan koronavirus xəstələri iki aya qədər yoluxucu ola bilər.

Aztibb.az-ın xarici KİV-ə istinadla verdiyi xəbərə görə, bu barədə tədqiqatçıların “New England Journal of Medicine”də dərc olunan açıq məktubunda bildirilir.

Bu nəticəyə gəlmək üçün mütəxəssislər canlı virusun xərçəng xəstələrindən təcrid olunmasını araşdırıblar. Məlum olub ki, müalicə prosedurlarından sonra zəif toxunulmazlığı olan xəstələr ən azı 2 ay müddətində canlı SARS-CoV-2 yoluxdurucusu ola bilərlər.

Eyni zamanda, Amerika Xəstəliklərə Nəzarət və Qarşısını Alma Mərkəzinin COVID-19-la bağlı hazırkı tövsiyələrinə görə, COVID-19 xəstələri 10 gün ərzində yoluxur. Bu səbəbdən tədqiqatçılar, zəif immunitet sistemi olan xəstələrə dair normaları yenidən nəzərdən keçirməyi məsləhət görürlər.