Həkim bildirib ki, koronavirus infeksiyasına yoluxan insanlar arasında hamilə qadınlar da var. Onlar adi koronavirus xəstələri kimi eyni simptomlar keçirə bilərlər. Bu xəstəliyin ağır və yüngül keçirilməsi qadının hamilə olub-olmamasından asılı deyil. Düzdür, elə dərmanlar var ki, onları hamilələrə qəbul etmək olmaz. Amma bunun da alternativ müalicə yolları mövcuddur.

 

O, hamilə qadınlarda öskürək və nəfəs çatışmazlığı, bu əlamətlərin dölə təsiri haqqında məlumat verərək qeyd edib ki, aparılan tədqiqatlar koronavirus xəstəliyinin dölə keçmədiyini sübut edib. Əlavə edib ki, koronavirus süd vasitəsilə də uşağa keçmir. Bu səbəblərdən COVID-19-a yoluxmuş hamilələrin böyük təşviş içində olmalarına səbəb yoxdur. 

 

N.Muradova COVID-19-un erkən doğuma da səbəb olmadığını söyləyib. Hamilələrə xüsusən pandemiya dövründə müəyyən tələblər çərçivəsində  təmiz havada gəzməyi, düzgün qidalanmağı tövsiyə edib.