Koronavirusa yoluxanlarda əsas əlamət yüksək hərarət sayılır. Amma COVID-19 xəstələrinin bir qismində hərarət müşahidə olunmur, olunsa da tez bir zamanda hətta normal səviyyədən də aşağı olur.

Aztibb.az e-tibb.az-a istinadən bildirir ki, bu ölkədən olan immunoloq COVID-19-un anomal gedişatının səbəblərini açıqlayıb.

İmmunoloq Vladimir Bolibok koronavirus xəstəliyi zamanı insanın temperaturunun kəskin şəkildə aşağı düşdüyü anomal gedişatı izah edib. Mütəxəssis deyib ki, anomal bir gedişlə bəzi xəstələrdə bir yarım - iki həftə arasında yüksək bir temperatur olur. Bəzi xəstələrdə fərqli bir vəziyyət müşahidə olunur - insanda bir neçə gün istilik olur və sonra istilik 35 dərəcə və hətta ondan da aşağı olur. Həkimin sözlərinə görə, xəstəliyi yüngül keçirənlərdə temperatur aşağı olur. Temperaturun aşağı olmasının səbəbi isə orqanizmdə metabolizmanın tənzimlənməsində yaranan kənaraçıxmalarla bağlı ola bilər.

Qeyd olunub ki, bir qədər əvvəl İngiltərədən olan mütəxəssislər koronavirusun mövsümi bir xəstəliyə çevrilə biləcəyini bildiriblər.