ABŞ-da yeni növ koronavirus infeksiyasına yoluxma hallarının sayı 16 milyonu keçib.

Ölkədə koronavirus infeksiyasına yoluxma hallarının sayı 16 014 839-a çatıb.

ABŞ-da bu günədək COVID-19 qurbanlarının sayı 296 977 nəfər təşkil edir. Bu müddət ərzində, həmçinin 6,1 milyondan çox insan sağalıb.

Fransada COVID-19 koronavirusuna yoluxma ilə bağlı təsdiq edilmiş halların sayı artmaqda davam edir.

Ölkədə koronavirus infeksiyasına 13 947 yeni yoluxma faktı qeydə alınıb.

Son 24 saat ərzində COVID-19 üçün götürülən analiz nümunələri müsbət çıxmış 194 nəfər vəfat edib.

Hazırkı dövrədək Fransdasa 2 348 795 nəfərin koronavirus infeksiyasına yoluxması faktı müəyyən edilib. Onlardan 57 210 nəfər vəfat edib.

Son 24 saat ərzində Xorvatiyada 4 135 nəfər yeni növ koronavirus infeksiyasına yoluxub, 78 nəfər isə həyatını itirib.

Bu, gün ərzində ölüm sayına görə rekord sayılır.

İndiyədək ölkədə ümumilikdə 172 523 nəfərin koronavirus infeksiyasına yoluxması faktı müəyyən edilib, onlardan 2 562 nəfər vəfat edib, aktiv xəstə sayı 2 792-dir.

Rusiyada son sutka ərzində daha 28 080 nəfər COVID-19-a yoluxub.

Beləliklə, ölkədə virusa yoluxanların sayı 2 653 928 nəfərə yüksəlib.

Son sutka ərzində 488 nəfər koronavirusdan ölüb. Ümumilikdə koronavirusdan ölənlərin sayı 46 941 nəfərə çatıb.