Avstraliyanın "CSL" şirkəti və Queensland Universiteti tərəfindən hazırlanmış koronavirus peyvəndinin təcrübələrində bəzi könüllülərdə HİV anticisimləri aşkar edilib. Bundan sonra Avstraliya hökuməti əvvəllər 51 milyon doza alacağını bildirdiyi peyvənddən imtina etdiyini açıqlayıb.

Aztibb.az medimagazin.com.tr-yə istinadla xəbər verir ki, Avstraliyanın koronavirus peyvəndi namizədinin sınaqlarının ilk mərhələsində anticisim istehsalında təsirli olduğu sübut edilmişdi. Bəzi şəxslərin testlərində HİV anticisimləri tapılması səbəbindən bu şəxslər üzərində aparılan testlərdən sonra onlarda HİV olmadığı müəyyən olunub.

Koronavirus peyvəndi namizədi səhv nəticələr göstərdiyindən peyvənddəki qüsuru aradan qaldırmaq üçün 1 il vaxt lazım olduğu, buna görə də təcrübələrin dayandırılacağı bildirilir.