Ukrayna hökuməti yanvar ayının əvvəlində yeni növ koronavirus infeksiyası hallarının sayının gündə 20-25 min olacağını gözləyir. Tibb sisteminin çökməsinin qarşısını almaq üçün hökumət yanvar ayının əvvəlində karantini sərtləşdirməyi planlaşdırır.

Aztibb.az xəbər verir ki, bunu Baş nazir Denis Şmıqal “Ukraynskaya pravda”ya verdiyi müsahibəsində bildirib.

Baş nazir qeyd edib ki, karantinin sərtləşdirilməsi tibb sistemini çökdürə biləcək vəziyyətin - gün ərzində 32 minə qədər yoluxma faktı ilə üzləşmək təhlükəsinin qarşısını almağa imkan verəcək.

Xatırladaq ki, Ukraynada karantin yanvarın 8-dən 24-dək sərtləşdiriləcək. Bu müddət ərzində mədəni-kütləvi tədbirlər qadağan ediləcək, tədris prosesi dayandırılacaq, ictimai-iaşə müəssisələri bağlanacaq.