Həkim bildirib ki, koronavirusdan şübhələnən hər kəs öncə xəstəliyə görə test verməlidir. Düzgün aparıldıqda belə, əsas laborator müayinə üsulu olan PZR testin həssaslığı 70-80% təşkil edir və yanlış mənfi nəticələrin olması mümkündür. Buna yol verməmək üçün, ÜST-ün tövsiyələrinə görə əlavə olaraq qanın seroloji müayinəsini aparmaq lazımdır.

 

"Laborator diaqnostika fiziki müayinədən başlayır", - deyən S.İbrahimova nümunələrin düzgün şəkildə yuxarı tənəffüs selikli qişalarından tam təhlükəsiz şəkildə toplanılması və laboratoriyaya nəql olunmasının mühüm məsələ olduğunu söylədi. Həmçinin qeyd etdi ki, test verməmişdən 2-3 saat öncə pasiyent qida qəbul etməməlidir.