İstanbulda günlük 92 min 500 nəfər COVID-19 testindən keçiriləcək.

Aztibb.az xəbər verir ki, alınan nümunələr 16-sı dövlət, 30-u özəl olmaqla, ümumilikdə 46 laboratoriyada yoxlanılacaq. Şəhərdə xəstəliyin yayılmasının qarşısının alınması məqsədilə 5 min 657 nəfərdən ibarət 1953 COVID-19 nəzarət qrupu fəaliyyət göstərir.

Avqustun 21-dən bu günədək İstanbulda COVID-19 tədbirlərini əhatə edən qadağaların pozulması ilə bağlı 21 min 678 nəfər cərimə olunub və iş yerinə xəbərdarlıq edilib, 271 iş yerinin fəaliyyəti müvəqqəti dayandırılıb, 8 min 254 nəfərə hüquqi cəza tətbiq edilib.

Qeyd edək ki, Türkiyədə COVID-19 virusu qeydə alındığı ilk gündən indiyədək ən çox yoluxma faktı İstanbulda qeydə alınıb. Hazırda Türkiyənin bütün bölgələrində olduğu kimi, İstanbulda da kafe, restoran, əyləncə mərkəzi, idman salonu və bu kimi bir demək olar ki, bütün ictimai-iaşə obyektlərinin fəaliyyəti məhdudlaşdırılıb və ya tamamilə dayandırılıb, alış-veriş mərkəzlərinə girişlərə isə əhalinin xüsusi nəzarət kodu vasitəsilə icazə verilir.