Litva Prezidenti Qitanas Nauseda koronavirus pandemiyasının yayılmasının sürətini azaltmaq məqsədilə karantin məhdudiyyətlərinin dərhal sərtləşdirilməsinə çağırıb.

Aztibb.az xəbər verir ki, bu barədə Prezidentin baş müşaviri Simonas Krepşta söyləyib.

Bildirilib ki, daha sərt tədbirlər insanlar arasında görüşlərin sayının azaldılmasına yönəldilib. Məhdudiyyətlər həmçinin ticarət məntəqələri, təhsil müəssisələri, iş yerləri və digər sahələri əhatə edəcək

“Prezident hesab edir ki, bu təkliflər dərhal həyata keçirilməlidir” – deyə o əlavə edib.

Həftə sonları qeyri-ərzaq dükanlarının bağlanması da təklif olunub.