Fransada son sutkada koronavirus infeksiyasına 11 022 yeni yoluxma faktı qeydə alınıb, 175 nəfər COVID-19-dan vəfat edib.

Hazırkı dövrədək ölkədə 2 292 497 nəfərin koronavirus infeksiyasına yoluxması faktı müəyyən edilib. Onlardan 55 155 nəfər vəfat edib.

Son bir həftə ərzində 8 564 nəfər koronavirus diaqnozu ilə xəstəxanaya yerləşdirilib.

Ötən gün ərzində Böyük Britaniyada 17 272 nəfərin koronavirus infeksiyasına yoluxması təsdiq edilib, 231 nəfərin müalicəsi müsbət nəticə verməyib.

Bundan əvvəl ölkədə 15 539 nəfərdə infeksiya aşkarlanıb, 397 pasiyent isə dünyasını dəyişib.

Ümumilikdə Britaniya üzrə 1 723 243 nəfərin koronavirusa yoluxması faktı müəyyən edilib. Onlardan 61 245 nəfər vəfat edib.

Gürcüstanda COVID-19 virusuna yoluxanların ümumi sayı 164 min 976 nəfərə çatıb.

Onların da 2 min 501-i koronavirusa ötən sutkada yoluxub. Son sutkada 3 988 xəstə sağalıb, 36 pasiyent isə həyatını itirib.

Koronavirus xəstələrinin 137 min 499-u sağalıb, 1 540-ı isə ölüb.

Hazırda karantin rejimində 1 267, stasionar nəzarətdə isə 6 963 nəfər saxlanılır. 3 744 nəfər isə xüsusi otellərdə müalicə olunur.

Ermənistanda daha 407 nəfərdə koronavirus aşkarlanıb.

Bununla da Ermənistanda virusa yoluxanların sayı 142 344 olub.

Ölkədə pandemiyadan ölənlərin sayı 18 nəfər artaraq 2 344-ə çatıb. COVID-19 diaqnozu qoyulmuş, lakin başqa səbəbdən ölənlərin sayı isə 595-ə yüksəlib. İndiyədək 117 649 nəfər infeksiyadan sağalıb.