İtaliyada koronavirus infeksiyasına yoluxma hallarının sayı son bir gündə 24 099 nəfər artıb.

Ötən gün ərzində təsdiqlənmiş statistikaya əsasən, İtaliyada 814 nəfər bu virusdan ölüb, infeksiyadan ölənlərin ümumi sayı 58 852 nəfərə çatıb. Ölkədə hazırda 872 385 aktiv koronavirus xəstəsi var, onlardan 3567-si ağır vəziyyətdədir.

Fransada COVID-19-a yoluxanların sayı yenidən artıb.

Ölkədə 11 221 yeni yoluxma faktı qeydə alınıb, müalicə alan 397 nəfər vəfat edib.

İndiyədək Fransada ümumilikdə 2 268 552 nəfərin koronavirus infeksiyasına yoluxması faktı müəyyən edilib, onlardan 54 767 nəfər vəfat edib.

Türkiyədə COVID-19-dan son sutka ərzində 193 nəfər ölüb.

Ölkədə son 24 saatda 194 435 nəfər koronavirus testindən keçib, 6903 xəstənin testi pozitiv çıxıb, ümumilikdə isə simptomları müəyyən edilməyənlərlə birlikdə 32 736 nəfər COVID-19 xəstəsi olaraq qeydiyyata alınıb. Ağır xəstə sayı dünənlə müqayisədə azalaraq 5703 olub.