Ankara, Bilkent və Hacettepe universitetləri alimlərinin əməkdaşlığı nəticəsində koronavirusun hüceyrəyə daxil olmasının qarşısını alan sprey hazırlanıb.

Aztibb.az medimagazin.com.tr-yə istinadla xəbər verir ki, fərqli bioloji növlərdən alınan DNT molekullarının gen mühəndisliyi texnologiyası ilə kəsilməsi və əldə edilən fərqli DNT-lərin birləşdirilməsini ehtiva edən rekombinant metod sayəsində protein əldə edilib.

Burun boşluğuna daxil edilən bu protein molekulu virusun hüceyrəyə daxil olmasının qarşısını alır.

İstehsalı və dizaynı Bilkent Universitetində, heyvan təcrübələri Ankara Universiteti Baytarlıq fakültəsində və müxtəlif orqanlarda viral çoxalmaların Hacettepe Universitetində araşdırıldığı dərmanın pre-klinik sınaqlarında müsbət nəticələr əldə edilib.

Yaxın günlərdə dərmanın insanlar üzərində sınaqdan keçirilməsinə imkan verəcək mərhələ işi üçün müraciət edilməsi planlaşdırılır.