Meksika Prezidenti Andres Manuel Lopesin koronavirusla bağlı açıqlaması təəccübə səbəb olub.

Ölkəsində son 24 saatda koronavirusdan 608 nəfərin ölməsinə baxmayaraq o, maska taxmağın vacib olmadığını bildirib.

Xarici KİV-lərin məlumatına görə, Meksika lideri sosial məsafənin və təmizlik qaydalarına riayət olunmağın kifayət etdiyini söyləyib: “Maskaya ehtiyac yoxdur. Əllərinizi yuyun, məsafə saxlayın. Bunu ölkədəki həkimlər də təsdiq edə bilər”.

Qeyd edək ki, bu günə qədər Meksikada 1 milyon 144 min 643 nəfər koronavirusa yoluxub, 108 min 173 nəfər vəfat edib.