Dünən Ukraynada 15 min 131 nəfərin koronavirusa yoluxduğu təsdiqlənib. 

Ümumilikdə gün ərzində 74 min 880 koronavirus testi götürülüb. Yeni yoluxma hallarının əksəriyyəti Kiyev şəhərində (1374), Dnepropetrovsk (1258), Odessa (1211), Zaporojye (1106) və Kiyev (988) bölgələrində təsdiqlənib.

Pandemiyanın başlanğıcından bəri ölkədə ümumilikdə 787 min 891 nəfər yoluxub, 13 min 195 (+235) nəfər vəfat edib, 397 min 809 (+13 min 383) nəfər sağalıb. Aktiv xəstələrin sayı 390 min 82 nəfərdir.

Gürcüstanda son sutkada5 068 nəfərin koronavirusla bağlı testi pozitiv nəticələnib, 2 336 nəfər sağalıb, 38 pasiyent isə vəfat edib.

Hazırkı dövrədək qonşu ölkə üzrə COVID-19-a 152 704 yoluxma halı təsdiqlənib. Yoluxanların 126 904-ü sağalıb, 1 425-i isə dünyasını dəyişib.

Karantin zonalarında 1 974, stasionar nəzarətdə 6 561 nəfər var. 3 867 nəfər isə xüsusi otellərdə tibbi nəzarətdə saxlanılır.

Ermənistanda isə daha 1 184 nəfərdə koronavirus aşkarlanıb.

Bununla da Ermənistanda virusa yoluxanların sayı 139 692 olub.

Ölkədə pandemiyadan ölənlərin sayı 23 nəfər artaraq 2 277-yə çatıb. COVID-19 diaqnozu qoyulmuş, lakin başqa səbəbdən ölənlərin sayı isə 583-ə yüksəlib. İndiyədək 114 990 nəfər infeksiyadan sağalıb.