"Böyüklər COVID-19-a yoluxduğu zaman güclü sitokin ifrazı baş verir ki, bu sitokinlər orqan sistemlərini zədələyir. Xoşbəxtlikdən uşaqların immun sistemi tam formalaşmadığı üçün belə bir reaksiya baş vermir və uşaqlar bu xəstəliyi yüngül keçirir. Orta statistik rəqəmlə ifadə etsək, hər 100 uşaqdan 10-u bu xəstəliyi aşkar klinik, hər 100 uşaqdan 5-i isə ağır klinik əlamətlərlə keçirir. Hətta koronaviruslu uşaqlarda “Kawasaki bənzəri sindrom” əmələ gələrək bütün orqan və sistemlərin zədələnməsinə də gətirib çıxara bilər.

 

Eyni zamanda risk qrupuna aid uşaqlar var ki, məsələn, anadangəlmə immun çatışmazlığı, xroniki ağciyər-bronx xəstəliyi, ağır astma xəstəliyi olan və s. uşaqlarda bu xəstəlik daha ağır formada gedə bilər. Odur ki, uşaqları koronovirusdan qorumaq çox vacibdir".

 

Uşaqların immun sisteminin formalaşmasında havanın rolundan danışan pediatr azyaşlıları havaya çıxararkən toplu insanların olduğu yerlərdən kənar gəzməyi tövsiyə edib. Eyni zamanda uşaqların normal inkişafı üçün onların yuxu rejiminə diqqət edilməsinin vacibliyini vurğulayıb.