Dövlət Gömrük Komitəsinin Tibbi Xidmət İdarəsinin əməkdaşı Şəhla Mirzəzadə "ATV Qərargah" verilişinə müsahibəsində bu barədə məlumat verib.

 

Koronavirusdan qorunmaq üçün böyük əhəmiyyətə malik addımlar barədə danşan həkim bildirib ki, yalnız kompleks şəkildə tələblərə düzgün riayət olunması virusla mübarizədə effektiv ola bilər:

 

"Rəqəmlərin artmasında ən böyük səbəblərdən biri də odur ki, biz tələblərə düzgün riayət etmirik. İnsanlar sosial məsafənin qorunması və gigiyenanın tələblərinə riayət olunmasında maraqlı olmalıdırlar. Maska taxırıqsa, onun xarici səthinə toxunmamalıyıq. Çünki xarici səth infeksiyalaşmış hesab edilir. Bəzən insanlar bir maskadan günlərlə istifadə edilər, bu düzgün deyil.

 

Hər kəs koronavirusa qarşı qəti bir mövqe nümayiş etdirməlidir. Normal həyatımıza maksimum şəkildə tez qayıtmaq üçün bütün tələbləri nəzərə almalıyıq. Tədqiqatlar göstərir ki, iki insan sosial məsafəni qoruduqda və maska taxdıqda yoluxma minimuma enir".