ABŞ-da son sutka ərzində 102 808 nəfər yeni növ koronavirus infeksiyasına yoluxub, 1 237 pasiyent həyatını itirib.

Ümumilikdə ölkədə COVID-19-a yoluxmuş şəxslərin sayı 13 243 421 nəfərə çatıb, 102 mindən çox pasiyent həyatını itirib.

İndiyədək ABŞ-da COVID-19-dan 7,8 milyondan çox xəstə sağalıb.

Almaniyada son sutkada 22 806 nəfərə COVID-19 diaqnozu qoyulub, 426 nəfər bu virusun qurbanı olub.

Beləliklə, ölkədə indiyədək 1 006 394 nəfərdə koronavirus aşkarlanıb. Onlardan 15 586 nəfər ölüb.

Qeyd edək ki, Almaniyada karantin rejimi noyabrın 2-dən qüvvədədir.

Gürcüstanda son sutka ərzində COVID-19 infeksiyasına 4 780 yoluxma halı qeydə alınıb, 37 nəfər ölüb.

Bununla da qonşu ölkədə koronavirusa yoluxanların sayı 123 470 nəfərə, xəstəlikdən ölənlərin sayı isə 1 161 nəfərə çatıb.

Koronavirusa yoluxanlardan 102 270 nəfəri sağalıb.

Ermənistanda daha 1 476 nəfər koronavirusa yoluxub, 22 nəfər bu virusdan dünyasını dəyişib.

Ölkədə indiyədək COVID-19-a yoluxanların sayı 132 346 nəfərə, xəstəlikdən ölənlərin sayı isə 2 090 nəfərə çatıb.

Ermənistanda xəstəlikdən sağalanların sayı 105 149 nəfərdir.

Rumıniyada koronavirusa yoluxanların sayı 449 min 349 nəfərə çatıb. 

Son 24 saat ərzində 9 min 5 yeni yoluxma hadisəsi baş verib. Koronavirusdan ölənlərin sayı 10 min 712 nəfərdir, 323 min 514 nəfər sağalıb.