Koronavirusun ortaya çıxdığı Çinin dövlət mediası virusun ölkəyə dondurulmuş qidalar içərisində gətirildiyini iddia edir.
Aztibb.az rossaprimavera.ru-ya istinadən xəbər verir ki, bu barədə “Euronews” məlumat yayıb.
Çinin dövlət mətbuatında epidemiya izlərinin daha öncə İspaniya və İtaliyada görüldüyünə dair bir sıra elmi araşdırmalar yayılıb.
Çindəki hakim Kommunist Partiyasının mətbu orqanlarından “People’s Daily” qəzetində çıxan bir xəbərdə COVID-19 pandemiyasının Çinin mərkəzindəki Uhan şəhərində başlamadığı, virusun ölkəyə dondurulmuş halda idxal olunan qida məhsullarında gəlmiş ola biləcəyi iddia edilib.
Xəbərdə, həmçinin Çin Yoluxucu Xəstəliklərə Nəzarət Mərkəzinin sabiq sədri Szen Quanın da fikirlərinə yer verilib.
S.Quan virusun məhz Çində ilk dəfə aşkarlanmasının əsl səbəbinin ölkənin SARS ilə mübarizə üçün yaratdığı “epidemiya qabaqlayıcı sistemi”nin uğuru olduğunu söyləyib.
