Ürək-damar xəstəlikləri və xərçəng insan ömrünü qısaldır

İnsan ömrünün uzunluğuna ən çox təsir edən xəstəliklər onkoloji, endokrin və ürək-damar xəstəlikləridir.

Aztibb.az "RİA Novosti"yə istinadən yazır ki, bu barədə müsahibəsində Rusiya Elmlər Akademiyasının akademiki Gennadi Onişşenko  bildirib.

“Bunlar həm insan ömründən illər alan, həm də ölüm hallarının ən yüksək olduğu xəstəlik qruplarıdır”, – deyə akademik qeyd edib.

Onun sözlərinə görə, qrip, COVID-19 və digər respirator xəstəliklər də sonradan bu xəstəliklərin inkişafı üçün zəmin yarada bilər.

Akademik insanları sağlamlıqlarına daha məsuliyyətlə yanaşmağa çağırıb. O, xüsusilə fiziki aktivliyin artırılmasını, düzgün qidalanmanı və peyvəndlərin vaxtında olunmasını tövsiyə edib.

Qeyd edək ki, daha əvvəl kardioloq Anastasiya Poskakalova damar sağlamlığının qorunması ilə bağlı tövsiyələrini bölüşüb. O, bunun üçün siqaretdən və alkoqoldan sui-istifadədən imtinanın vacibliyini vurğulayıb.