ABŞ-ın “Moderna” və Stokholmda yerləşən “Recipharm AB” əczaçılıq şirkətləri arasında birincinin hazırladığı koronavirusa qarşı peyvəndin bir hissəsinin Fransada istehsal olunmasına dair niyyət məktubu imzalanıb.
Aztibb.az nationalpost.com-a istinadən xəbər verir ki, bu barədə Fransanın iqtisadiyyat və maliyyə işləri üzrə dövlət katibi Anyes Panye-Rünaşe bildirib.
Ötən gün Avropa Komissiyası “Moderna” ilə 160 milyon doza dərmanın ilkin sifarişinə dair müqavilə imzalayıb.
Bundan əvvəl “Astra Zeneca”, “Sanofi – GSK”, “Johnson Johnson”, “”BioNTech” – “Pfizer” cütlüyü, “”CureVac” şirkətlərilə də bənzər müqavilələr imzalanıb.
Həmin sənədlər çərçivəsində Avropa İttifaqı ölkələrinə 2 milyard doza yaxın dərman veriləcəyi güman edilir. Hərçənd sözügedən dərmanların kütləvi istehsala başlanıb-başlanmayacağı hələlik dəqiq bilinmir.
