Böyük Britaniyada koronavirusa yoluxma hallarında artım davam edir.

Ötən gün 15 min 450 nəfər virusa yoluxub, 608 nəfər isə həyatını itirib. Krallığın şimal-qərb hissəsində virusa yoluxma hallarında artım müşahidə olunub.

Ümumilikdə ölkədə 1 milyon 527 min 495 nəfər virusa yoluxub, 55 min 230 min nəfər isə həyatını itirib. Bu göstəricilərə əsasən Böyük Britaniya koronavirusa yoluxma və ölüm sayına görə Avropada birincidir.

Türkiyə noyabrın 24-də açıqlanan COVID-19 xəstələrinin sayına görə dünya üzrə 12-ci, ölüm sayına görə isə 11-ci sırada yer alıb.

Pandemiya başlayandan indiyədək Türkiyədə koronavirusdan 12 min 672 nəfər həyatını itirib.

Hazırda ölkədə ağır xəstə sayı 4 min 543 nəfərdir. Son günlər ölkənin Bursa, Kocaeli və Qaziantep vilayətlərində COVID-19-a yoluxanların sayında böyük artım müşahidə edilir. 

İranda ötən sutka ərzində ö13 843 nəfər koronavirusa yoluxub, 469 nəfər bu virusdan dünyasını dəyişib.

Beləliklə, ölkədə COVID-19-a yoluxanların sayı 894 385 nəfərə, ölənlərin sayı 46 207 nəfərə çatıb.

İranda indiyədək 625 606 nəfər koronavirusdan sağalıb. Virus daşyıcılarından 5 832 nəfərin vəziyyəti ağır qiymətləndirilir. 

Ukraynada son sutkada koronavirusa yoluxanların sayında artım qeydə alınıb.

Ötən gün Ukraynada 13 882 nəfər koronavirusa yoluxub. Bununla da pandemiya dövründə Ukraynada koronavirusa yoluxanların ümumi sayı 661 min 858-ə çatıb, 307 min 778 nəfər müalicəsini başa vurub. Ən çox yoluxma halları Kiyev, Dnepropetrovsk və Xarkov vilayətlərində qeydə alınıb.

Gürcüstanda ötən sutkada koronavirusa 3 071 yeni yoluxma faktı qeydə alınıb, 3 366 nəfər sağalıb, 34 pasiyent isə vəfat edib.

Bununla da qonşu ölkədə COVID-19-a ümumi yoluxma göstəricisi 114 889 nəfərə çatıb. Yoluxanların 95 581-i sağalıb, 1 085-i isə dünyasını dəyişib.

Hazırda karantin rejimində 2 071, stasionar nəzarətdə 6 145 nəfər saxlanılır. 3 723 nəfər isə xüsusi otellərdə müalicə olunur.

Ötən gün ölkədə 229 nəfər koronavirusdan həyatını itirib. Bununla da bu infeksiyadan ölənlərin ümumi sayı 11 492 nəfərə çatıb.