Azərbaycan Tibb Universitetinin (ATU) əməkdaşı ADA Universitetinin təşkilatçılığı və Təhsildə Keyfiyyət Təminatı Agentliyinin (TKTA) tərəfdaşlığı ilə ali təhsildə keyfiyyət təminatına həsr olunmuş III ADA-TKTA Simpoziumunda iştirak edib.

ATU-dan Aztibb.az-a bildirilib ki, universitetin İnnovasiya və keyfiyyətin idarə olunması şöbəsinin əməkdaşı Leyla Abbasovanın qatıldığı simpozium ali təhsil müəssisələrinin keyfiyyət təminatı sahəsində təcrübə və fikir mübadiləsini təşviq etmək, mövcud yanaşmaları paylaşmaq və əməkdaşlığın inkişafına töhfə vermək məqsədi daşıyıb.

Tədbirdə ali təhsildə keyfiyyət təminatı və akkreditasiya sahəsində yeni tendensiyalar, institusional inkişaf strategiyaları, daxili keyfiyyət təminatı, monitorinq və qiymətləndirmə mexanizmləri, həmçinin təhsil proqramlarının keyfiyyət təminatı ilə bağlı mövzular müzakirə olunub. 

Simpoziumun sonunda iştirakçılara sertifikatlar təqdim olunub.