Koronavirus testindən əvvəl pasiyentlərə su içmək, siqaret çəkmək və burnu silmək olmaz. Eyni zamanda laboratoriya üçün qaydalar var: həkimlər test üçün vaxtı düzgün seçməli və proseduru izləməlidirlər.

Aztibb.az-ın Rusiya mətbuatına istinadən məlumatına görə, bu barədə rusiyalı həkim virusoloqlar COVID-19 testi zamanı səhv cavabların səbəbini açıqlayarkən danışıb.

"Tvoy Doktor" klinikasının terapevti və baş həkimi Tatyana Romanenko prosedurun hansı şərtlərdə faydasız ola biləcəyindən danışıb. Onun sözlərinə görə, müəyyən qaydalara riayət edilməzsə  - burun keçidlərində kifayət qədər dərindən nümunə götürülməyibsə, yaxud xəstə əvvəllər burnunu silmiş, yumuşsa, o zaman testin cavabı səhv ola bilər. Həmçinin boğazdan yaxma götürülməzdən əvvəl xəstə ağzını antiseptik məhlulla yaxalamamalı və yemək yeməməlidir.

Rusiya Xalqlar Dostluğu Universitetinin (RUDN) Yoluxucu Xəstəliklər şobəsinin müdiri Qalina Kojevnikova da testdən üç saat əvvəl yemək, içmək və dişləri yumağın qadağan olunduğunu bildirib. "Bunları edərlərsə, heç bir patogen tapılmayacaq", - deyə o vurğulayıb.

Lomonosov adına Moskva Dövlət Universitetinin professoru, biologiya elmləri doktoru, virusoloq Aleksey Aqranovski nümunələrin hazırlanma keyfiyyətinin də test nəticələrinə təsir edə biləcəyini deyib.