İngiltərədə koronavirusla mübarizə çərçivəsində tətbiq olunan karantin rejimi dekabrın 2-də bitəcək. 

Bu barədə Britaniyanın Baş Naziri Boris Conson telekonfrans vasitəsilə keçirilən açıqlamasında deyib. 

O, qeyd edib ki, 5 noyabrdan etibarən İngiltərədə qüvvədə olan karantin uzadılmayacaq. 

Baş nazir bildirib ki, bununla yanaşı, koronavirusun geniş yayılması ilə əlaqədar üç mərhələli yeni məhdudiyyətlər tətbiq ediləcək. Koronavirusun çox yayıldığı ərazilərdə restoranlar bağlı qalacaq, insanlar evlərindən işləməyə davam edəcək. 

Qeyd edək ki, Böyük Britaniyada son sutka ərzində 15 450 nəfər COVID-19-a yoluxub, 206 nəfər bu virusdan həyatını itirib. Bununla da Britaniyada koronavirusa yoluxanların ümumi sayı 1 527 495 nəfərə, ölənlərin sayı isə 55 230 nəfərə yüksəlib.