Belarus əczaçılıq sənayesi qısa müddət ərzində ümumi vaksinləmə üçün Rusiyanın "Sputnik V" vaksinini yetərli sayda istehsal etmək potensialına malikdir.

Aztibb.az medikforum.ru-ya istinadla xəbər verir ki, bundan başqa, yerli müəssisələr dövriyyələri artırarsa, Belarus Rusiya vaksininin digər ölkələrə də çatdırılmasına başlayacaq. Bu preparata bəşəriyyətin böyük marağını nəzərə alsaq, bunu istisna etmək olmaz.

Ehtimal olunur ki, Belarusda bu preparatın istehsalı ilə "Белмедпрепараты" müəssisəsi məşğul olacaq. Lakin, bu il yalnız bir neçə on min ədəd ilk nümunə partiyasının istehsalı gözlənilir, sənaye istehsalı isə artıq növbəti ildə başlayacaq. Bu barədə Belarus Səhiyyə Naziri Dmitri Pineviç bildirib.

Qeyd edək ki, Belarus Rusiya vaksininin çatdırılması müqaviləsini bağlamış ilk ölkə olub.