"Neftçi”dən hücumçu Mirabdulla Abbasov, “Keşlə”dən futbolçu Vüsal İsgəndərli ilə müqavilə ilə “Neftçi”yə məxsus olan Rəhman Hacıyev də koronavirusa yoluxub.

Aztibb.az xəbər verir ki, onların virusa yoluxmasını “Neftçi”nin baş məşqçisi Samir Abbasovla “Keşlə”nin çalışdırıcısı Yunis Hüseynov bu gün keçirilən oyunsonrası mətbuat konfransında bildirib.

Qeyd edək ki, daha əvvəl mətbuata “Qarabağ”dan Maksim Medvedev, Rahil Məmmədov, “Sabah”dan Təmkin Xəlilzadə və “Neftçi”dən Emin Mahmudovun koronavirusa yoluxduğu bəlli olmuşdu.