İsveçdə koronavirusa yoluxanların sayında rekord növbəti dəfə yenilənib.

Aztibb.az xəbər verir ki, noyabrın 20-də İsveç ictimai səhiyyə agentliyi son 24 saat ərzində rekord sayda - 7240 yeni yoluxma halının qeydə alınmasını bildirib. Virusun yayılmasından bəri krallıqda virusa yoluxanların ümumi sayı hazırda 208 min 295 nəfərdir.

Virus qurbanlarına dair məlumatlar da sabit qalmaqdadır, bunların sayı 6406 nəfərə çatıb, son 24 saat ərzində daha 66 nəfər vəfat edib.

Türkiyədə noyabrın 20-də 156 min 642 nəfər testdən keçirilib. Onlardan 5103 nəfərin testinin nəticəsi müsbət çıxıb.

Gün ərzində bu xəstəlikdən 141 nəfər ölüb, 3 min nəfər isə sağalıb. Ölkə üzrə indiyədək koronavirus infeksiyasına yoluxanların ümumi sayı 435 min 273 nəfərə çatıb. Bu gün infeksiya aşkarlanan şəxslərin ümumi sayı dünənki ilə müqayisədə 561, ölüm halı isə 28 nəfər çoxdur.

Braziliyada son sutkada daha 38 397 nəfərin koronavirus infeksiyasına yoluxması, 552 nəfərin isə bu virusdan ölməsi təsdiqlənib.

İndiyədək Braziliyada koronavirusa ümumilikdə 6 020 164 nəfər yoluxub. Bu müddət ərzində 168 613 koronaviruslu xəstə dünyasını dəyişib.

Həmçinin bu günədək 5 422 102 xəstə müalicə olunaraq sağalıb.