Türk alimi prof. dr. Uğur Şahin və prof. dr. Özlem Türecinin sahibi olduğu "BioNTech" və ABŞ-ın "Pfizer" şirkətləri tərəfindən ortaq şəkildə hazırlanan "BNT162b1" peyvənd namizədinin satışı ilə bağlı Avropa Birliyi (AB) ilə razılaşma əldə edildiyi bildirilib.

Aztibb.az medimagazin.com.tr-yə istinadla xəbər verir ki, razılaşma çərçivəsində AB-nin 300 milyon dozaya görə 4.65 milyard avro ödəyəcəyi açıqlanıb.

İki dozada tətbiq olunan peyvəndin dəyəri Avropa ölkələrində təxminən 31 avro olacaq. 

Qeyd edək ki, klinik sınaqların üçüncü mərhələsi nəticələrində Pfizer/BioNTech peyvəndinin 95 faizdən çox qorunma təmin etdiyi bildirilir. "Pfizer"in açıqlamasında, növbəti cümə günündə təcili istifadənin təsdiqlənməsi üçün ABŞ Qida və Dərman İdarəsinə (FDA) müraciət ediləcəyi qeyd olunub.