Beynəlxalq Plastik və Estetik Cərrahiyyə Cəmiyyətinin (The International Society of Aesthetic Plastic Surgery (ISAPS)) 99 ölkənin iştirakı ilə növbəti onlayn (Zoom) iclası keçirilib. Müasir istiqamətlər və yeniliklərin müzakirə olunduğu iclasda Cənubi Qafqazdan yalnız Azərbaycan səsvermə hüququ ilə təmsil olunub.

 

İclasa Azərbaycan Tibb Universitetindən (ATU) ATU-nun Ağız və üz-çənə cərrahiyyəsi kafedrasınm professoru, ISAPS -ın milli katibi Vaqif Qələndərov qatılıb.

 

Bu barədə Aztibb.az-a ATU-dan məlumat verilib.

 

Bildirilib ki, onlayn iclasda müasir protokollar yenidən nəzərdən keçirilib və qiymətləndirilib, eyni zamanda bir çox qeyri-peşəkar əməliyyatların yaratdığı problemlər əsas müzakirə mövzularından biri olub.