Çərşənbə günü Almaniyanın paytaxtı Berlin şəhərinin mərkəzində koronavirusla bağlı tətbiq edilmiş mövcud karantin rejiminə qarşı keçirilən etiraz aksiyaları zamanı azı 77 polis əməkdaşı yaralanıb.

Aztibb.az ria.ru-ya  istinadən xəbər verir ki, bu barədə Berlin polisinin “Twitter” hesabında məlumat yerləşdirilib.

Bildirilib ki, ümumilikdə karantin rejimi əleyhinə 19 nümayiş keçirilib ki, asayişin qorunmasına 2.5 min hüquq-mühafizə orqanlarının əməkdaşı cəlb edilib. Bu günədək 365 etirazçının saxlanıldığı bildirilib. 

Qeyd edək ki, Almaniyada mövcud məhdudlaşdırıcı tədbirlər noyabrın 2-də etibarən qüvvəyə minib. Etirazçıların fikrincə, müvafiq qaydalar insanların əsas hüquq və azadlıqlarını məhdudlaşdırır.