Azərbaycan Tibb Universitetinin Elmi Araşdırmalar Mərkəzinin əməkdaşı Ümummilli Lider Heydər Əliyevin anadan olmasının 103-cü ildönümünə həsr olunmuş “Kimyanın müasir çağırışları” adlı I Beynəlxalq konfransda iştirak edib.

 

Universitetdən Aztibb.az-a verilən məlumata görə, Mərkəzin Tibbi kimya şöbəsinin müdiri, professor Xudayar Həsənov Gəncə Dövlət Universitetində keçirilən konfransda “Palladiumun kation-anion tipli koordinasion birləşmələrinin bioloji fəallığının bəzi aspektləri” mövzusunda elmi məruzə ilə çıxış edib.

 

Məruzədə üzvi molekulların tərkibi, onlar əsasında alınmış palladium komplekslərinin geniş bioloji tədqiqi barədə məlumat verilib. Həmçinin yeni sintez edilmiş kompleks birləşmələrdə heteroatom, funksional qrup, tərkib, quruluş və bioloji fəallıq arasında korrrelyasiyanın xarakter və dinamikasını açıqlanıb.

 

Məruzə böyük maraqla qarşılanıb.