Ümumdünya Səhiyyə Təşkilatı (ÜST) bildirib ki, dünyada infeksion xəstəliklərin alovlanmaları getdikcə daha tez-tez müşahidə olunur.

Aztibb.az "Gazeta" nəşrinin istinadən xəbər verir ki, bu həftə ÜST və Dünya Bankının Qlobal Hazırlıq Monitorinq Şurasının hesabatında bububla bağlı məlumat verilib.

Sənəddə qeyd olunur ki, infeksion xəstəliklərin yayılma halları artdıqca, onların təsiri də daha dağıdıcı xarakter alır. Bu isə səhiyyə, iqtisadiyyat, siyasət və sosial sahələrə daha geniş miqyasda təsir göstərir və ölkələrin böhrandan sonrakı bərpa imkanlarını zəiflədir.

Eyni zamanda bildirilir ki, yeni təşəbbüslər bəzi sahələrdə epidemiyalara hazırlıq səviyyəsini yaxşılaşdırsa da, ümumi qlobal vəziyyət bu tədbirlərin effektivliyini azaldır.

Əsas səbəblər sırasında geosiyasi parçalanmanın artması, ekoloji böhranlar, beynəlxalq səyahətlərin intensivləşməsi və inkişaf yardımlarının 2009-cu ildən bəri ən aşağı səviyyəyə düşməsi göstərilir.

Hesabatda həmçinin vurğulanır ki, COVID-19 pandemiyası və Ebola kimi epidemiya dalğalarından sonra dünya “daha təhlükəsiz” hala gəlməyib.