Ümumdünya Səhiyyə Təşkilatı (ÜST) Kenyada ölkə üzrə ilk dəfə idxal olunmuş Bundibuqyo virusu xəstəliyinin (BVD) qeydə alındığını və xəstənin dəstəkləyici müalicəyə baxmayaraq vəfat etdiyini açıqlayıb. Xəstəliyin yayılmasının qarşısını almaq məqsədilə profilaktik tədbirlər gücləndirilib.

Aztibb.az "Medimagazin"ə istinadən yazır ki, məlumata görə, infeksiyaya yoluxan Kenya vətəndaşı yaşadığı Konqo Demokratik Respublikasında xəstələnib, daha sonra Uqanda üzərindən Nayrobiyə gəlib. Xəstəxanaya yerləşdirilərək təcrid edilən pasiyentdə laborator analizlər vasitəsilə Bundibuqyo virusu təsdiqlənib.

Kenyalı səhiyyə rəsmiləri infeksiyaya yoluxmuş şəxslə təmasda olan 28 nəfəri, o cümlədən ailə üzvlərini, tibb işçilərini və eyni təyyarədə uçan sərnişinləri nəzarətə götürüblər. Sərhəd-keçid məntəqələrində tibbi yoxlamalar və əhalinin maarifləndirilməsi işləri intensivləşdirillib.

Bununla da Kenya Konqo DR, Uqanda və Fransadan sonra Bundibuqyo virusunu təsdiqləyən dördüncü ölkə olub. ÜST Afrika üzrə regional direktoru dr. Məhəmməd Cənabi Kenyada operativ nəzarət mexanizmlərinin işə salındığını bildirib. ÜST cari məlumatlar əsasında region ölkələrinə qarşı hər hansı səyahət və ya ticarət məhdudiyyətinin tətbiqini tövsiyə etmir.