Türkiyədə son sutka ərzində koronavirusdan (COVID-19) 116 nəfər ölüb.

Bu barədə Türkiyənin Səhiyyə naziri Fəxrəddin Qoca son koronavirus statistikasını açıqlayarkən bildirib.

Nazir açıqlamasında qeyd edib ki, son 24 saatda 158 811 şübhəli koronavirus testindən keçib, onlardan 4215-nin cavabı pozitiv çıxıb, 2592 xəstə isə sağalaraq evə buraxılıb. Ağır xəstə sayı 3742 nəfər olub.

Son gün ərzində Pakistanda COVID-19 koronavirusuna 2 min 298 nəfər yoluxub, pandemiya dövründə belə xəstələrin sayı 363 min 380 nəfər olub.

Son sutkada COVID-19-dan 37 xəstə ölüb, həyatını itirənlərin ümumi sayı 7 min 230 nəfərə çatıb.

Xəstəxanalarda 30 min 362 pasiyent var, onların 1551-nin vəziyyəti ağırdır.