ABŞ-ın "Pfizer" əczaçılıq şirkəti ABŞ-ın 4 əyalətində yeni növ koronavirusa (COVID-19) qarşı hazırladığı peyvəndin paylanmasına başlayıb.
Aztibb.az "New York Post" qəzetinə istinadla xəbər verir ki, paylanmanın başlandığı Rod-Aylend, Texas, Nyu-Meksiko və Tennesi əyalətlərinin böyüklüyü, əhalinin müxtəlifliyi və immunizasiya infrastrukturu nəzərə alınaraq seçildiyi və bu peyvəndin şəhər və kənd yerlərindəki insanlara çatdırılmasının hədəfləndiyi bildirilib.
Pilot peyvənd paylanması layihəsinin ABŞ-ın digər əyalətləri üçün bir model olacağına ümid edilir.
Qeyd edək ki, "Pfizer" və türk alimi prof. dr. Uğur Şahinin qurucu tərəfdaşı olduğu Alman biotexnologiya şirkəti "BioNTech" tərəfindən hazırlanan potensial COVID-19 peyvəndinin virusa qarşı 90 faizdən çox effektiv olduğu bildirilir.
