Gürcüstanda son sutka ərzində koronavirusa gündəlik yoluxma sayında yeni bir rekord yaşanıb.

Son 24 saatda 3 157 nəfərdə “COVID-19” aşkarlanıb. Bununla da, ölkədə koronavirusa yoluxma halı 82 min 835-ə çatıb.

Ölkədə xəstəlikdən bir gündə 30 nəfər vəfat edib. Bununla da ölüm sayı 733-ə çatıb.

Son sutkada 3230 nəfər sağalıb.

Ermənistanda isə son sutka ərzində daha 549 koronavirusa yoluxma faktı aşkarlanıb. Bununla da Ermənistanda koronavirusa yoluxanların sayı 117 min 886 nəfərə çatıb.

Son 24 saat ərzində daha 25 nəfərin vəfatı ilə virusdan ölənlərin sayı 1 788-ə çatıb.

Qeyd edək ki, Ermənistanda pandemiyaya görə martın 16-dan etibarən tətbiq olunan fövqəladə vəziyyət rejimi 11 yanvar 2021-ci ilə qədər uzadılıb.