Türkiyənin Klinik Endokrinologiya və Diabet Dərnəyinin rəhbəri prof. Dr. Mustafa Araz pandemiya zamanı çəki almağın, xüsusilə diabet və qan təzyiqi xəstələrində yüksək şəkər və qan təzyiqinə səbəb ola biləcəyini və koronavirus infeksiyasına yoluxduqda onun ağır keçmə riskini artıracağını bildirib.

Aztibb.az medimagazin.com.tr-yə istinadla xəbər verir ki, M. Araz diabetin dünyada xroniki və getdikcə artan bir xəstəlik olduğunu və Türkiyədə sürətlə yayıldığını vurğulayıb.

Beynəlxalq Diabet Federasiyasının (IDF) 9-cu Diabet Atlası məlumatlarını bölüşən M.Araz 20-79 yaş arasındakı əhalinin 463 milyonunun, yəni hər 11 nəfərdən birinin şəkərli diabet olduğunu bildirib. Bu məlumatlara istinad edərək, 2030-cu ildə dünyada diabet xəstəsi olanların sayının 580 milyona çatacağını və Türkiyədə hər 100 nəfərdən 14-də diabetə rastlandığını, ümumilikdə təxminən 7,5 milyon diabet xəstəsi olduğunu və bu rəqəmin 2040-cı ildə 12,5 milyona çatmasının proqnozlaşdırıldığını qeyd edib.

Bundan əlavə, həkim vurğulayıb ki, reanimasiyaya yerləşdirilən ağır COVID-19 xəstələrinin 80 faizi artıq çəkidən əziyyət çəkən insanlardır.