Son gündə Pakistanda COVID-19-a 2 min 164 nəfər yoluxub və pandemiya dövründə yoluxmaların sayı 354 min 461-ə çatıb.

Aztibb.az xəbər verir ki, son sutkada Pakistanda koronavirus 17 nəfərin ölümünə səbəb olub. Bununla da bu xəstəlikdən dünyasını dəyişənlərin sayı 7 min 109-a çatıb.

Xəstəxanalarda 24 min 938 pasiyent var, onların 1316-sının vəziyyəti ağırdır.

Meksikada koronavirusa yoluxanların ümumi sayı 1 003 253-ə çatıb.

Son bir gündə Meksikada 5860 nəfərin koronavirus testi müsbət nəticə verib. Bu xəstəlikdən ölənlərin sayı 98 259 nəfərdir, son 24 saat ərzində 635 ölüm qeydə alınıb. İndiyə qədər 745 mindən çox insan sağalıb.

Bolqarıstanda son sutka ərzində 4212 yeni koronavirusa yoluxma halı qeydə alınıb.

Ölkədə koronavirusa yoluxanların sayı 94 min 937-ə çatıb, 2055 nəfər ölüb.

Bolqarıstan hökuməti təhlükənin davam etdiyini bildirir və əhalinin sanitar normalara riayət etməyə çağırıb.

Gürcüstanda son sutkada daha 3 020 nəfərin koronavirusla bağlı testi pozitiv nəticələnib, 3 387 nəfər sağalaraq evə buraxılıb, 34 pasiyent isə vəfat edib.

Bununla da qonşu ölkədə COVID-19-a ümumi yoluxma göstəricisi 79 678 nəfərə çatıb. Onların 62 061-i sağalıb, 703-ü isə dünyasını dəyişib.

Hazırda karantin rejimində 2 326, stasionar nəzarətdə 5 592 nəfər saxlanılır. Xəstəliyi yüngül formada keçirən 3 280 nəfər isə xüsusi otellərdə müalicə olunur.