"Tesla" və "SpaceX" şirkətlərinin rəhbəri, 49 yaşlı milyarder İlon Mask özünü pis hiss etdiyindən koronavirusun orqanizmində mövcudluğunu yoxlamaq qərarına gəlib. Onun bir gündə eyni laboratoriyada, eyni tibb bacısı tərəfindən yoxlanılan dörd testi bir-birinə əks nəticələr göstərib: iki pozitiv və iki neqativ.

Aztibb.az medikforum.ru-ya istinadla xəbər verir ki, İ.Mask testin dəqiqliyini yoxlamaq üçün başqa laboratoriyada da analiz verib. Orada onun orqanizmində zərərli infeksiya aşkar edilməyib. O, hazırda özünü yaxşı hiss edir.

Bununla əlaqədar İ.Mask "Twitter" hesabında öz abunəçilərindən testlərin yanlış nəticə verib-verməməsi ilə maraqlanıb. Şərhlərdə bildirilib ki, ekspress-testlər həmişə öz qeyri-dəqiqliyi ilə tanınıb və həqiqətən düzgün nəticələr əldə etmək üçün PSR-diaqnostikadan keçmək lazımdır.

Qeyd edək ki, daha əvvəl İ. Mask koronavirusa qarşı peyvənd olunmayacağını açıqlamışdı.