ABŞ-da son sutka ərzində 154 576 nəfərdə yeni növ koronavirus aşkarlanıb. Bu, pandemiyanın başlanğıcından bəri rekord günlük göstəricidir.

Ümumilikdə ABŞ-da təxminən 10,7 milyon nəfər virusa yoluxub, 6,3 milyon nəfər sağalıb, 244 169 min insan ölüb.

Türkiyədə yeni növ koronavirus (COVID-19) infeksiyasının yayılma riski artmaqdadır.

Noyabrın 13-də ölkə üzrə 149 min 942 nəfər koronavirus testindən keçirilib. Onlardan 3 min 45 nəfərdə virus aşkarlanıb. Sutka ərzində bu xəstəlikdən 93 nəfər ölüb, 2 min 10 nəfər sağalıb.

Böyük Britaniyada daha 33 min 470 nəfər koronavirusa yoluxub.

Krallıqda koronavirus səbəbindən 50 mindən çox insan həyatını itirib və bu, Avropada ən yüksək göstəricidir. Ölkədəki ümumi xəstəlik sayı 1,29 milyonu ötüb.

Baş nazir Boris Conson ölkəsinin koronavirus epidemiyasında kritik həddə olduğunu bildirib.

Nepalda ötən sutka ərzində COVID-19 virusuna 2111 yoluxma qeydə alınıb. Bununla da ölkədə yeni növ koronavirusa yoluxanların ümumi sayı 206 mini ötüb.

Ötən sutka ərzində Nepalda koronavirus səbəbindən 13 nəfər həyatını itirib. Beləliklə, ölkədə pandemiya qurbanlarının sayı 1202-yə çatıb. Hazırda Nepalda 37 mindən çox aktiv xəstə var.

Rumıniyada koronavirusa yoluxanların sayı 343 min 725 nəfərə çatıb.

Son 24 saatda 9 min 489 yeni yoluxma hadisəsi baş verib. Koronavirusdan ölənlərin sayı 8 min 684 nəfərdir. 231 min 808 nəfər sağalıb.

İtaliyada rekord sayda koronavirusa yoluxma hadisəsi qeydə alınıb.

Pandemiya başlayandan ilk dəfə olaraq bir gündə yeni növ virusa yoluxanların sayı 40 mini keçib. Son sutkada 40 902 nəfərdə koronavirus infeksiyası aşkarlanıb.

Son 24 saat ərzində müalicə alan 550 nəfər vəfat edib. Nəticədə virusun yaratdığı xəstəlikdən 44 139 pasiyent vəfat edib.

Ermənistanda son sutka ərzində COVID-19 infeksiyasına 1 472 yoluxma halı qeydə alınıb, 41 nəfər ölüb.

Ölkədə koronavirusa yoluxanların sayı 115 855 nəfərə, ölənlərin sayı isə 1 738 nəfərə çatıb. Koronavirusa yoluxanlardan 74 105 nəfərin sağaldığı bildirilir.

Gürcüstanda isə daha 3 504 nəfər koronavirusa yoluxub, 33 nəfər bu virus səbəbindən dünyasını dəyişib.

Bununla da qonşu ölkədə koronavirusa yoluxanların sayı  76 658 nəfərə, ölənlərin sayı isə 669 nəfərə çatıb.