Ukraynada son sutkada koronavirusa yoluxanların sayı ilk dəfədir 12 min nəfərə yaxınlaşıb.

Ukrayna Səhiyyə Nazirliyinin məlumatına görə, ötən gün Ukraynada 11 787 nəfər koronavirusa yoluxub. Bununla da pandemiya dövründə Ukraynada koronavirusa yoluxanların ümumi sayı 512 min 652-ə çatıb, 233 min 849 nəfər müalicəsini başa vurub. Ən çox yoluxma halları Kiyev, Sumı, Dnepropetrovsk və Xarkov vilayətlərində qeydə alınıb.

Ötən gün ölkədə 198 nəfər koronavirusdan həyatını itirib. Bununla da bu infeksiyadan ölənlərin ümumi sayı 9145 nəfərə çatıb.

Qeyd edək ki, Ukraynada koronavirusla bağlı vəziyyət pisləşdiyindən karantin müddəti dekabrın 31-dək uzadılıb və karantin şərtləri sərtləşdirilib.