Antalyada infarkt səbəbiylə ürəyi dayanan 51 yaşlı çilingər xəstəxananın təcili xidmətində təxminən bir saatlıq ürək masajı və elektrik şoku tətbiqindən sonra həyata qaytarılıb.

Aztibb.az  "Anadolu Ajans"a istinadən yazır ki, Antalyada yaşayan 3 uşaq atası Oğuz Kağan Çil oğlunun futbol məşqinə baxarkən qəfildən huşunu itirib. 

Təcili tibbi yardım mütəxəssisi Dr. Bilal Can təcili müdaxilə ilə xəstəyə ürək masajı tətbiq edib. Təxminən 60 dəqiqə fasiləsiz ürək masajı edən Çilə 20 dəfə elektrik şoku verilib. Uzun səylərdən sonra həyat əlamətləri görünməyə başlayıb.

Daha sonra xəstəxananın kardiologiya şöbəsində əməliyyat olunan Çilə 5,5 santimetrlik stent taxılıb. Tıxanmış damarı açılan Çil 4 günlük müalicədən sonra sağlamlığına qovuşub. Çilin ürəyi bir saat dayansa da, heç bir nevroloji problem olmadan xəstəxanadan evə buraxılıb.

Dos. Dr. İbrahim Ersoy bildirib ki, 60 dəqiqə ərzində ürək masajı və elektrik şoku keçirən xəstədən əvvəlcə cavab almadıqları üçün ümidləri azalıb. Xəstəyə 20-dən çox şok vurulduqdan sonra zəif də olsa nəbzinin vurduğunu bildirən həkim, "Koronar angioqrafiya zamanı ürəyin ön üz venasında ağızdan orta hissəyə qədər tıxanma və ciddi darlıq aşkarladıq və 5,5 santimetrlik stent yerləşdirdik" deyib.

"Tibbi ədəbiyyata görə, yarım saatdan çox davam edən ürək masajından sonra həyata qayıdanların yüzdə 98-də nevroloji zədə yaranır. Ancaq xəstəmizdə heç bir fəsad (toxuma zədələnməsi) yox idi. Bu vəziyyət peşəkar baxımdan bizi qürurlandırdı", - deyə həkim vurğulayıb.