Diyetoloq Qamze Çakaloğlu cəfəri, kərəviz və brokoli kimi tərəvəzlərdə olan luteolin adlı flavonoidin saç ağarmasını gecikdirmə və hüceyrə yaşlanmasını yavaşlatma potensialına malik ola biləcəyini bildirib. 

Aztibb.az "Medimagazin"ə istinadən yazır ki, diyetoloqun sözlərinə görə, cəfəri, kərəviz, brokoli kimi luteolinlə zəngin tərəvəzlərin nizamlı olaraq istehlak edilməsi saç sağlamlığını dəstəkləyir. Bu tərəvəzləri gündəlik rasionunuza daxil etmək həm yaşlanma prosesini ləngidə bilər, həm də ümumi sağlamlığınızı dəstəkləyə bilər. Luteolin təkcə saç sağlamlığına deyil, həm də ürək və beyin sağlamlığına müsbət təsir göstərir.

Mütəxəssis Yaponiyanın Naqoya Universiteti və Harvard Universiteti tərəfindən aparılan elmi araşdırmaların, luteolinin saç köklərindəki melanosit hüceyrələrini qoruyaraq saç rənginin daha uzun müddət qorunub saxlanmasına töhfə verə biləcəyini tədqiqatlarla ortaya qoyub.

"Naqoya Universitetində aparılan təcrübələrdə vaxtından əvvəl ağarmağa genetik meylli siçanlara luteolin əlavələri verildi. 16 həftədən sonra luteolin verilən siçanlar əsasən orijinal xəz rənglərini saxladılar. Luteolin endotelin adlı peptid səviyyəsini saxlayaraq piqment istehsalını dəstəklədiyi güman edilir", - deyə diyetoloq bildirib.

Avropa Kardiologiya Cəmiyyəti tərəfindən 2017-ci ildə nəşr olunan bir araşdırma, saçların ağarmasına səbəb olan oksidləşdirici stressin ürək damarlarına mənfi təsir göstərə biləcəyini və ürək xəstəliyi riskini artıra biləcəyini göstərib.

G.Çakaloğlu luteolinin Alzheimer kimi nörodejenerativ xəstəliklərə qarşı da qoruyucu rol oynaya biləcəyini və antioksidant xüsusiyyətlərinə sahib olduğunu da bildirib.

Tərkibində luteolin olan qidaları təbii şəkildə istehlak etmək ən təhlükəsiz üsuldur. Bununla belə, yüksək dozada luteolin əlavələrinin qəbulu hüceyrə yenilənməsini sürətləndirməklə yanaşı, nəzarətsiz hüceyrə bölünməsinə səbəb olaraq xərçəng riskini artıra bilər.