Bel ağrısı şikayətləri və yüksək xolesterin səbəbiylə xəstəxanaya müraciət edən 64 yaşlı Ramazan Elaslanın 4 damarının tıxandığı müəyyənləşdirilib.

Aztibb.az T24-ə istiandən yazır ki, Ankarada yaşayan Elaslan bel ağrısı şikayətləri ilə Ailə Sağlamlığı Mərkəzinə müraciət edib. Analizlərində xolesterinin yüksək olduğu ortaya çıxan Elaslan hərtərəfli müayinə üçün Sincan Təhsil və Araşdırma Xəstəxanasına göndərilib.

Elaslanın damarında tıxanma diaqnozu qoyulub, xəstəxananın ürək mərkəzində aparılan bypass əməliyyatı ilə onun tıxanmış 4 damarı açılıb.

"Əvvəlcə bel ağrıları şikayəti ilə Ailə Sağlamlıq Mərkəzinə getdim. Oradakı həkimim qan analizi istədi. Analizlərin nəticələrindən sonra xəstəxanadan təyinat aldım. Əməliyyata girdim, əməliyyatdan sonra bu gün səhər yeməyi yedim. Müəllimlərimiz, işçilərimiz, tibb bacılarımız  gülərüzdür. Allah onları nəzərində saxlasın".

Qidalanma vərdişləri böyük rol oynayır

Ümumdünya Səhiyyə Təşkilatının məlumatlarına görə, bir ildə təxminən 18 milyon xəstənin ürək-damar xəstəlikləri səbəbiylə həyatını itirir. Prof. Dr. Sarıtaş, qidalanma vərdişlərinin ürək xəstəliklərinin qarşısının alınmasında böyük rol oynadığına diqqət çəkib:

"Görürük ki, qeyri-sağlam qidalanma vərdişlərinin, xüsusilə fast foodların nisbəti artmaqdadır. Güclü stress, hipertoniya, şəkərli diabet kimi səbəblərə görə bu gün ürək-damar xəstəliklərinin nisbətində böyük artım aşkarlanıb. Sağlam qidalanma, nizamlı idman, təzyiq və şəkərin nəzarətdə saxlanılması çox vacibdir".