Ukraynada son sutkada koronavirusa yoluxanların sayı ilk dəfədir 11 min nəfəri keçib. 

Ötən gün Ukraynada 11 057 nəfər koronavirusa yoluxub, 198 nəfər bu virus səbəbindən həyatını itirib. Bununla da pandemiya dövründə Ukraynada koronavirusa yoluxanların ümumi sayı 500 min 808-ə çatıb, 227 min 694 nəfər müalicəsini başa vurub. Ən çox yoluxma halları Kiyev, Odessa, Lvov və Xarkov vilayətlərində qeydə alınıb.

Ölkədə bu infeksiyadan ölənlərin ümumi sayı 9145 nəfərə çatıb.

Qeyd edək ki, Ukraynada koronavirusla bağlı vəziyyət pisləşdiyindən karantin müddəti dekabrın 31-dək uzadılıb və karantin şərtləri sərtləşdirilib.