Həkim Yekaterina Morozova uşaqlarda ciddi piylənmə probleminə diqqət yetirərək, onun gənc xəstələrin sağlamlığı üçün təhlükəli olduğunu vurğulayıb.

Aztibb.az "RİA Novosti"yə istinadən xəbər verir ki, həkimin sözlərinə görə, artıq çəki bir çox xəstəliklərə səbəb ola biləcək ciddi təhlükədir.

Pediatrın qeyd edib ki, piylənmə olan uşaqlarda şəkərli diabet, erkən ateroskleroz və hipertoniya kimi xəstəliklərin inkişaf riski artır. Qeyd etmək lazımdır ki, uşaqlarda piylənmə böyüklərə nisbətən daha sürətli inkişaf edir.

Bundan əlavə, artıq çəki yetkinlik prosesini ləngidə bilər, çünki yağ toxuması qadın hormonlarının istehsalının artmasına kömək edir, bu da öz növbəsində sağlamlıq üçün təhlükəli olan hormonal balanssızlığa səbəb ola bilər. Uşağınızın çəkisinə xüsusi diqqət yetirməli olduğunuz dövrlər 4-5 və 11-12 yaş arasıdır. Uşaqlarda piylənmə adətən pis qidalanma və fiziki fəaliyyətin olmaması səbəbindən baş verir.