Rusiyada son sutka ərzində daha 21 608 nəfər yeni növ koronavirusa (COVID-19) yoluxub, 439 nəfər bu virus səbəbindən dünyasını dəyişib.

Aztibb.az-ın məlumata görə, Rusiyada COVID-19-a yoluxanların sayı 1 858 568 nəfərə, ölənlərin sayı isə 32 032 nəfərə çatıb.

Latviyada son 24 saatda koronavirusa yoluxanların sayı 453 nəfər artaraq 8848-ə çatıb.

Epidemiyanın yayıldığı tarixdən bəri ölkədə 514 min 699 nəfər müayinə olunub. Son sutka ərzində COVID-19 virusuna görə 7 min 621 nəfərdən analiz götürülüb.

Yeni növ koronavirusdan 105 ölüm faktı qeydə alınıb.

Litvada son sutka ərzində daha 1433 nəfər COVID-19-a yoluxub, 235 nəfər ölüb.

Gün ərzində COVID-19 virusuna görə 13 min 92 nəfərdən götürülən testlərin 1433-nün nəticəsi müsbət çıxıb.

Sağalanların sayı isə 6608-dir. 

Ermənistanda koronavirus infeksiyasına 2 132 yoluxma halı qeydə alınıb, 32 nəfər bu virusdan vəfat edib.

Beləliklə, ölkədə COVID-19-a yoluxanların sayı 112 680 nəfərə, ölənlərin sayı isə 1 668 nəfərə çatıb.

Koronavirusa yoluxanlardan 70 130 nəfərin sağaldığı bildirilir.

Gürcüstanda isə son sutka ərzində daha 3 120 nəfər bu infeksiyaya yoluxub, 43 nəfərin öldüyü bildirilir.

Bununla da qonşu ölkədə koronavirusa yoluxanların sayı 69 681 nəfərə, ölənlərin sayı isə 599 nəfərə çatıb.